მაია ასათიანი ბევრისთვის საყვარელი ტელეწამყვანია. ის ხშირად ჩანს ტელეეკრანებზე და წლების მანძილზე უამრავი გულშემატკივარიც შეიძინა. მაიას სტილი თუ ჩაცმულობა მუდმივად ინტერესის საგანია და კითხვები მისი პირადი ცხოვრების შესახებაც ხშირად ისმის.
ბოლო დროს მაია ასათიანი გამომწერებს ხშირად უზიარებს ინფორმაციას თავის მოვლასთან დაკავშირებით. ამჯერად ის ვიდეოს სწორედ ამ თემაზე აქვეყნებს და ამბობს, რომ პროცედურებს, რომლებსაც სახეზე იტარებს, ვერ დამალავს:
„სულ მეკითხებიან ხოლმე, რატომ არ ვმალავ. ჯერ ერთი, როგორ უნდა დავმალო, ყველაფერი სახეზე მეტყობა, მე ხომ მახსოვს, როგორი ვიყავი. მეორეც, 44 წლის ვარ და ძალიან მომწონს ჩემი ასაკი. 44 წლის ასაკში, თან იმ ყველაფრის ფონზე, რაც მე გადავიტანე, მგონი, ცუდად არ გამოვიყურები“ - ამბობს მაია ასათიანი.