იუმორისტი, ნიკა არაბიძის შოუს სცენარისტი, სიკო ჭუმბურიძე ჟურნალ „გზასთან“ საკუთარი პრინციპების შესახებ საუბრობს და აღნიშნავს, რომ მათ არასდროს ღალატობს. მაგალითისთვის, ურჩევნია, რომ პოლიტიკურ სფეროს საერთოდ არ გაეკაროს.
სიკო ჭუმბურიძე:
„ჩემი პრინციპებიდან დაგისახელებთ ერთგულებას, თუნდაც საქმის, ოჯახის, მეგობრის, იმ ადამიანების მიმართ, ვინც ჩემს იმედადაა; თუნდაც – პოლიტიკასთან დაკავშირებული ჩემი დამოკიდებულების: ალბათ, არ გაგიკვირდებათ, თუ ვიტყვი, რომ შემეძლო, დღეს რომელიმე პარტიის მხარდამჭერი ვყოფილიყავი და ჩემი ოჯახის შემოსავალი ცოტათი უფრო მეტი ყოფილიყო, მაგრამ ისევ მირჩევნია, ჩემი იდეის ერთგული ვიყო და პოლიტიკას არ გავეკარო…“