ანა შელიას სოციალურ ქსელში ბევრი იცნობს. მან სამოდელო კარიერა 14 წლის ასაკში დაიწყო, განსაკუთრებით პოპულარული კი 2017 წელს გახდა, როცა მონაწილეობა ბრიტანული მოდის სახლის, Ralph & Russo-ს ჩვენებაში Victorias Secret-ის საპატიო სუპერმოდელ ალესანდრა ამბროსიოსთან ერთად მიიღო. ანამ 2018 წელს მორაგბე ლაშა ლომიძეზე იქორწინა.
ანა შელია „ინსტაგრამზე“ აქტიურობით გამოირჩევა და პირად თუ ოჯახურ ფოტოებს ხშირად უზიარებს გამომწერებს. ის ცნობილი ოჯახიდანაა - ანა ყოფილი მოდელის, ლიკა კვარაცხელიას და ცნობილი ფეხბურთელის, მურთაზ შელიას შვილია.
ცოტა ხნის წინ ანამ „ინსტაგრამზე“ ახალი ფოტო გამოაქვეყნა და გამომწერებს აცნობა, რომ ის და მისი მეუღლე მეორე შვილს ელოდებიან.