მომღერალ გიორგი სუხიტაშვილს ბაბუა გარდაეცვალა. ამის შესახებ მან სოციალურ ქსელში დაწერა. "მარტოპაპა", რომელსაც სოციალურ ქსელში უამრავი ადამიანი გულშემატკივრობდა, ბოლო პერიოდში ავადმყოფობდა. ის ერთ-ერთ კლინიკაში მკურნალობდა.
"დასრულდა ჩემი ბავშვობა. არ მაწვალა, არც იწვალა, ასე ჩუმად წავიდა. ჩემი მარტოპაპა გარდაიცვალა..." - წერს მომღერალი "ფეისბუქში".
გიორგი სუხიტაშვილი სოციალური ქსელის მეშვეობით საკუთარ აუდიტორიას ხშირად უყვებოდა ბაბუის, "მარტოპაპას" შესახებ, რომელიც გორის რაიონში მარტო ცხოვრობდა. მომღერალი ბაბუას ხშირად სტუმრობდა და ყოველ ჩასვლაზე "ფეისბუქში" ვიდეოებს აქვეყნებდა, რომლებსაც სოციალურ ქსელში დიდი და პოზიტიური გამოხმაურება ჰქონდა.