ნაძვის ხის სწორ ადგილას განთავსებით, ჩვენ შეგვიძლია დადებითი ენერგიის მოზიდვა და სურვილების ასრულება. ამის შესახებ სასარგებლო რჩევებს ფენ-შუის ექსპერტები გვაძლევენ:

სად დავდგათ ხე

ახალი წლის ღამეს სასწაულები რომ მოხდეს, კარგად უნდა მოვემზადოთ. ამისათვის თქვენ სწორად უნდა დაუკავშირდეთ იმ სივრცეს, რომელშიც თქვენ ცხოვრობთ. ამის საუკეთესო საშუალება ახალ წელს ნაძვის ხეა.

„ნაძვის ხე სახლის სადღესასწაულო განწყობის ცენტრალური წერტილია. როგორც წესი, მხოლოდ საახალწლო ნათურები არის საკმარისი დადებითი ენერგიის მოსაზიდად!" - ამბობენ ფენ-შუის გამოცდილი ოსტატები.

ნაძვის ხის დასადგამად საუკეთესოა სახლის დასავლეთი, სამხრეთი და სამხრეთ-დასავლეთი მხარეები.

დასავლეთი მზის ჩასვლასთანაა ასოცირებული, შესაბამისად, მისი სწორად და საკმარისად განათება მნიშვნელოვანია. ბინის, სახლის ან ოთახის დასავლეთით ნაძვის ხის განთავსებით შეგიძლიათ სახლში მშვიდობის, ჰარმონიისა და სიყვარულის ენერგია მიიზიდოთ და, ამავდროულად, მოაგვაროთ ყველა კონფლიქტი და გაუგებრობა. ასევე, დასავლეთით ხის დადგმით შეგიძლიათ მოიზიდოთ კარიერული წინსვლა. უმჯობესია ნაძვის ხე ოთახის დასავლეთ ნაწილში მორთოთ ოქროსფერი, კრემისფერი ან თეთრი ტონებით. და არ დაივიწყოთ ნათურები! რაც უფრო კაშკაშაა ნაძვის ხე, მით მეტ წარმატებას მოგიტანთ. ძველი შუშის ვინტაჟური მრგვალი ბურთები და გირლანდები გააძლიერებს ასეთი ნაძვის ხის დადებით გავლენას. არსებობს ასეთი საახალწლო ტრადიცია: ყოველწლიურად მოათავსოთ ახალი სათამაშოები ხეზე, როგორც ახალი შესაძლებლობების სიმბოლო, რომელსაც ახალი წელი ხსნის.

სამხრეთით დადგმული ნაძვის ხე მოიტანს ფულადი ნაკადების ზრდას, ასევე დაგეხმარებათ თქვენი მიზნებისა და ოცნებების რეალიზებაში. უმჯობესია ასეთი ნაძვის ხე წითელი, ოქროსფერი და ვერცხლისფერი ფერების ბურთებითა და სათამაშოებით მორთოთ. ასეთი ნაძვის ხის მახლობლად ხელსაყრელია შუშხუნების დაწვა და ხმამაღლა სიცილი.

სამხრეთ-დასავლეთში ხის განთავსება დაგეხმარებათ თქვენი იდეებისა და პროექტების განვითარებასა და პოპულარიზაციაში. და, ასევე, მატერიალური შემოსავლის გაზრდაში! აქ იდეალურად მოერგება მწვანე და წითელი სათამაშოებით მორთული ნაძვის ხე.

ნაძვის ხის ყველაზე ხელსაყრელი დეკორაცია არის ძველი სათამაშოების ნაზავი ტრადიციებითა და მოგონებებით და ერთი ახალი სათამაშო ახალი გზების გასახსნელად. ეს არის ისტორიების თანმიმდევრობის გზა. ყველაფერი ოჯახს ჰგავს!

ნაძვის ხის დადგმისთვის ყველაზე პოზიტიური დღეები: 15, 18, 26, 27, 29 და 31 დეკემბერი. ასევე კარგია ახალი წლის ღამეს, 23:00 საათიდან 24:00 საათამდე სადღესასწაულო სუფრასთან ჩრდილოეთისკენ დგომა.