დახურვა
სტილი
22.10.2021

ინფექციონისტი მაია ბუწაშვილი ამბობს, რომ რუსეთში გავრცელებული ახალი შტამი ავტომატურად მოაღწევს საქართველომდეც, რადგან ორ ქვეყანას შორის მობილობა საკმაოდ დიდია.

"როდესაც ლაპარაკია, რომ რუსეთში რაღაც შტამი ვრცელდება, ეს ავტომატურად ნიშნავს, რომ მოაღწევს ჩვენთანაც იმიტომ, რომ ამ ორ ქვეყანას შორის მობილობა ძალიან მაღალია.

ძალიან ხშირად ხდება კორონავირუსის მუტაცია და ახალი შტამების წარმოქმნა და ყოველთვის ტენდენციაა, რომ ახალი შტამი ბევრად უფრო სწრაფად ვრცელდება და ბევრად უფრო ადვილია მისი გადაცემა, ვიდრე წინამორბედი შტამის.

ჯერჯერობით, ამ ახალ შტამთანაც იგივე ტენდენცია იკვეთება, ამბობენ, რომ ის უფრო მეტად ვრცელდება, როგორც ეს იყო ყოველთვის მუტაციური შტამების შემთხვევაში.

საშიშროება ყოველთვის არის, ვშიშობთ ახალ მუტაციებზე, სანამ გავიგებთ უფრო მეტს მის შესახებ, რომ არ ჰქონდეს უფრო მაღალი ავადობა და არ ჰქონდეს უფრო მაღალი სიკვდილობა, მაგრამ ეს ტენდენციები რას უკავშირდება და რატომ ხდება - ბოლომდე ჯერჯერობით გარკვეული არ არის," - განაცხადა მაია ბუწაშვილმა.

საქართველოში ამ ეტაპზე ოფიციალურად ახალი შტამის არც ერთი შემთხვევა არ დაფიქსირებულა.

ცნობისთვის, საქართველოში ბოლო 24 საათში, კორონავირუსის 4 155 ახალი შემთხვევა დადასტურდა.

გარდაიცვალა 40 ადამიანი. გამოჯანმრთელდა 2 507 პაციენტი.

სტატიების ნახვა შეგიძლიათ რუბრიკაში "ყველა სტატია"


Copyright © 2020-2024 by Stily. All rights reserved
×