სამოქალაქო აქტივისტი ნატა ფერაძე გარემოს დანაგვიანების გამო დაჯარიმდა. მან ფურცლები წარწერით – „რა ხდება ნინოწმინდის პანსიონში?“ პრეზიდენტის სასახლის ეზოში გადაყარა.
„აქ ზის ქალი, რომელიც საქართველოს პრეზიდენტად ითვლება, რომელსაც ერთი განცხადება არ გაუკეთებია დატყვევებულ ბავშვებზე. მოვუტანეთ, იქნებ აიღოს,“ – ამბობს ნატა ფერაძე ვიდეომიმართვაში.
მომხდარის შემდეგ, ის ნარჩენების მართვის კოდექსის 31-ე მუხლის 1-ლი ნაწილით დააჯარიმეს, რაც 2 კგ-მდე მუნიციპალური ნარჩენით გარემოს დანაგვიანებას გულისხმობს. აღნიშნული სამართალდარღვევა კი, 80 ლარით ჯარიმდება.