სოციალურ ქსელში დიდი გამოხმაურება მოჰყვა ვიდეოს, რომელშიც დედა შვილის ტრაგიკულად გარდაცვალების ამბავს იხსენებს. ქალი ბაია დვალიშვილის გადაცემაში "ბაიასთან" ჰყვება, რომელიც "ფორმულას" ეთერში 19 სექტემბერს გავა.
ბაიას რესპონდენტის თქმით, 17 წლის გოგო ზღვაში უმცროსი ძმის გადასარჩენად შევიდა: „ტალღებში მისი ბოლო ხმა... მე მეძახდა, შველას ითხოვდა. მისი ხმა ყურებში სულ მესმის... დედაო, შემომძახა, დიდხანს ვეღარ გავუძლებ, ძალიან გადავიღალეო - შორიდან მომესმა ეს ხმა. ის ხმა ყოველთვის ყურებში მაქვს“ - იხსენებს ის.