გუშინ ცნობილი გახდა, რომ ახალგაზრდა ქართველი მომღერალი ლევან კბილაშვილი გარდაიცვალა. გარდაცვალების მიზეზი ჯერ ცნობილი არ არის. მეგობრები და გულშემატკივრები ტრაგიკული ფაქტით გამოწვეულ მწუხარებას სოციალურ ქსელში გამოხატავენ. ემოციური წერილი გამოაქვეყნა რუსმა მომღერალმა ლუბა უსპენსკაიამაც, რომელიც ლევანზე, როგორც უმცროს ძმაზე, საუბრობს:
"დღეს დავკარგე ჩემი მეგობარი, შეიძლება ითქვას ძმა, ახალგაზრდა, ნიჭიერი, პერსპექტიული არტისტი - ლევან კბილაშვილი... არ მჯერა, რომ ეს მოხდა და ამ სიტყვებს ახლა ვწერ და ცრემლები მომდის, რომლებიც ტელეფონის ეკრანზე ეცემა. ბოლოს, წინა ღამეს მივიღე მისგან
მესიჯი და ვიდეო მისი კონცერტიდან, დღეს კი აღარ არის ცოცხალი... ვერც ერთი სიტყვით ვერ აღვწერ ჩემს მწუხარებას... სიცარიელეს... არ მჯერა, არ მჯერა, არ მჯერა... მშვიდად განისვენე, ჩემო ანგელოზო. საყვარელო სამუდამოდ..." - წერს ის.