58 წლის ამერიკელი მსახიობი ჯო ლარა ავიაკატასტროფაში დაიღუპა. მასთან ერთად გარდაიცვალა მისი მეუღლეც, 66 წლის გვენ შამბლინ-ლარა და კიდევ ხუთი ადამიანი. როგორც ცნობილია, მსახიობის კუთვნილი თვითმფრინავი შაბათს ნეშვილიდან აფრინდა და პალმ-ბიჩზე უნდა დამჯდარიყო. მცირე ზომის თვითმფრინავი აფრენიდან მალევე პრისტის ტბაში ჩავარდა. ტრანსპორტის უსაფრთხოების ნაციონალურმა საბჭომ გამოძიება უკვე დაიწყო.

58 წლის ჯო ლარა განსაკუთრებით პოპულარული გახდა სერიალით „ტარზანი, ეპიკური თავგადასავალი“. ლარას როლებიდან ასევე აღსანიშნავია ფილმი „ტერმინატორი“ და სერიალი „მალიბუს მაშველები“.