„ღამის პრაიმ ტაიმათან“ მარიტა როხვაძემ ისაუბრა „ჯეოსტარის“ პერიოდზე, როდესაც მას კომენტარებში უწერდნენ, რომ კარგად არ გამოიყურებოდა:
„ყოველთვის მომწონდა საკუთარი თავი, თუმცა „ჯეოსტარის“ პერიოდში წერდნენ, რას ჰგავს, ჩამოათრიეთ სცენიდანო. არც ასეთი კატასტროფული წონა არ მქონდა, რომ ასე ელაპარაკათ, მაგრამ ძალიან განვიცადე. ეს არ უნდა გაიმეოროთ, მაგრამ ოთხი თვის განმავლობაში მხოლოდ წიწიბურასა, ჭყინტ ყველს ვჭამდი და ვსვამდი წყალს. ეს არის ორგანიზმის დანგრევა…“
როგორც მარიტა ამბობს, სწორედ ამ პერიოდში დაიკლო 21 კილო, თუმცა ახლა 8 კილოგრამი ისევ მოიმატა.