დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელმა "ფორტუნას" გადაცემაში "კვირის თემა" საქართველოში არსებულ ეპიდვითარებაზე, ვაქცინაციის შენელებულ ტემპსა და მოსალოდნელ მეხუთე ტალღაზე ისაუბრა.
რატომ იკლო ქვეყანაში ვაქცინაციის ტემპმა - ხათუნა ზახაშვილი განმარტავს
ველით, ველით რა თქმა უნდა - ხათუნა ზახაშვილი მეხუთე ტალღაზე
ხათუნა ზახაშვილის განცხადებით, ქვეყანაში შემთხვევების მორიგი მატების ტალღა მოსალოდნელია. ამ პროგნოზის ფონზე კი აუცილებელია ადამიანებმა რაღაც მიზეზთა გამო, არ გადადონ ვაქცინაცია.
გადაცემის წამყვანის შეკითხვაზე, იმ შემთხვევაში თუ ვაქცინის ერთი დოზის შემდეგ დაინფიცირდა ადამიანი, რა ვადებში შეუძლია მას აცრა ან შეუძლია თუ არა გარკვეული პერიოდით გადადოს, ზახაშვილი ასე პასუხობს:
"თუ ადამიანი დაავადდა კოვიდით, დადასტურებიდან ერთი თვის თავზე მას შეუძლია მიმართოს ვაქცინაციის ცენტრებს ვაქცინის დოზის მისაღებად, ეს შეეხებათ როგორც პირველ, ასევე მეორე დოზებს.
ანუ იმ შემთხვევებს, როდესაც ადამიანი დაავადდება და შემდეგ გადაწყვეტს ვაქცინაციას ან პირველი დოზის შემდეგ მოხდება მისი დაავადება. ამ დაავადების შემდეგ ერთი თვის თავზე შეუძლია ჩაიტაროს მეორე დოზით იმუნიზაცია",- განაცხადა ხათუნა ზახაშვილმა "ფორტუნას" ეთერში.
წყარო: fortuna.ge