ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი კოვიდგადატანილებში ჩატარებული კვლევის შესახებ წერს. როგორც წერეთელი ამბობს, კოვიდგადატანილ მამაკაცებში სპერმის ხარისხი ქვეითდება. წერეთელი კვლევაზე დაყრდნობით განმარტავს, რომ სპერმის მოძრაობის შემცირება დაფიქსირდა მამაკაცთა 60%-ში.

„მკვლევარებმა დაადგინეს, რომ ზოგიერთ მამაკაცში სპერმის ხარისხი დაქვეითებულია თვეების განმავლობაში COVID-19-ისგან გამოჯანმრთელების შემდეგ. მათ შეისწავლეს 120 ბელგიელი მამაკაცის სპერმის ნიმუშები, რომელთა საშუალო ასაკი 35 წელი იყო, COVID-19 სიმპტომების გაქრობიდან საშუალოდ 52 დღის შემდეგ.

მკვლევარებმა დაადგინეს, რომ სპერმა თავისთავად არ იყო ინფექციური. მაგრამ 35 მამაკაცს შორის, რომლებმაც მიიღეს ნიმუშები დაინფიცირებიდან ერთი თვის განმავლობაში, სპერმის მოძრაობის შემცირება დაფიქსირდა მამაკაცთა 60%-ში და სპერმის რაოდენობა შემცირდა 37%-ში“, - აღნიშნავს წერეთელი.

მისი თქმით, წყვილები უნდა გააფრთხილონ, რომ სპერმის ხარისხი COVID 19-ის ინფექციის შემდეგ შეიძლება იყოს არაოპტიმალური და მისი აღდგენის სავარაუდო დრო 3 თვეა.

„გამოჯანმრთელებიდან ერთიდან ორ თვემდე ტესტირებულ 51 მამაკაცს შორის, 37%-ს ჰქონდა შემცირებული სპერმის მოძრაობა, ხოლო 29%-ს ჰქონდა დაბალი სპერმის რაოდენობა. და 34 მამაკაცს შორის, რომლებმაც სპერმის ნიმუშები გამოავლინეს გამოჯანმრთელებიდან სულ მცირე ორი თვის შემდეგ, სპერმის მოძრაობა დაქვეითებული იყო 28%-ში, ხოლო სპერმის რაოდენობა დაბალი იყო 6%-ში.

COVID 19-ის ინფექციის სიმძიმე არ იყო დაკავშირებული სპერმის მახასიათებლებთან.

ასე რომ ორსულობის სურვილის მქონე წყვილები უნდა გააფრთხილონ, რომ სპერმის ხარისხი COVID 19-ის ინფექციის შემდეგ შეიძლება იყოს არაოპტიმალური, დაასკვნეს მკვლევარებმა. აღდგენის სავარაუდო დრო 3 თვეა, მაგრამ მიმდინარეობს შემდგომი შემდგომი კვლევები ამის დასადასტურებლად და იმის დასადგენად, მოხდა თუ არა მუდმივი დაზიანება მამაკაცთა უმცირესობაში“, - წერს ზაზა წერეთელი.