ხატია სიჭინავა ამბობს, რომ ბავშვობიდან სურდა, ისეთი ოჯახი ჰქონოდა, რომელიც არასდროს დაინგრეოდა და რომლის მთავარი მამოძრავებელი ძალა სიყვარული იქნებოდა. ის სპორტსმენ რამაზ ნოზაძის მეუღლეა. წყვილი წლებია შეუღლებულია და ოთხ შვილს ზრდის, სამ გოგონასა და ერთ ვაჟს.
ხატია სიჭინავა ოჯახის შესახებ ჟურნალ „თბილისელებთან“ საუბრობს:
„ოჯახი არის დიპლომატია და არ მეგონა, რომ მე ასეთი დიპლომატი გამოვდგებოდი. ძალიან ხისტი ხასიათი მაქვს, ფეთქებადი ვარ და თუ ოჯახს გარეთ რამე არ მომწონს, ყველა ხედავთ, როგორი პირდაპირი ვარ, მაგრამ ოჯახში მე ყოველთვის ვიცი, როდის ვილაპარაკო და როდის გავჩერდე – ეს დიდი დიპლომატიაა. ოჯახში ქალზე ძალიან ბევრია დამოკიდებული. ოჯახი ორი ადამიანის ერთნაირი შრომაა კარგი ურთიერთობისთვის…“