დათო ევგენიძე პასუხობს ჟურნალ „თბილისელების კითხვას, მართალია თუ არა, რომ ახლანდელი მეუღლის ხელი მის ყოფილ მეუღლეს სთხოვა:

„ეს ჩვეულებრივი რაღაც მგონია. ნინო უკვე დიდი ხნის გაშორებული იყო თავის ქმარს, მე ჩემს ცოლს. ის იყო თავისუფალი ადამიანი, მეც - თავისუფალი. იქ არანაირი ღალატი არ ყოფილა, არც რამე დამალული. ჩავთვალე, რომ სწორად მოვიქეცი, იმიტომ, რომ მე მასთან ურთიერთობას ვაგრძელებდი, ვმეგობრობდით და არა მარტო ნინოსთან, მის ოჯახთანაც. მივედი და ვუთხარი. რეაქცია ის იყო, რასაც ველოდი. ზუსტად ვიცოდი, რომ ჩვენს ამბავს ნორმალურად შეხვდებოდნენ. იმ ადამიანს უკვე თავისი ოჯახი ჰქონდა. რა აგრესია უნდა ყოფილიყო? თუ ადამიანი შემიყვარდა, იმ წუთიდანვე ვიცი, რომ მასთან ცხოვრება მინდა. ასეთი ვარ ბუნებით. აქაც ზუსტად ასე იყო..."