დათო ფორჩხიძის ქალიშვილი, ნანუკა ჟურნალ „თბილისელებს" პასუხობს კითხვაზე, როგორია მამასთან ერთად მუშაობა „ნიკოს შოუში", სადაც ორივე მათგანი ბენდშია.

„მამასთან ერთად მუშაობა ძალიან რთულია. დათო რომ იქ არ ყოფილიყო, ალბათ უფრო თავისუფალი ვიქნებოდი, ასე ვფიქრობ. ვგრძნობდი, უკნიდან როგორ მაკვირდებოდა და ყველა დეტალს უყურებდა. თვალს მადევნებდა, შემეშლებოდა თუ არა რამე და ძალიან ვიძაბებოდი. სახლში კარგად ვმღეროდი, თავისუფლად ვიყავი, მაგრამ იქ რომ მივიდოდი და რაღაცნაირი თვალებით შემომხედავდა, ჩემს თავს ვეუბნებოდი ხოლმე, ახლა არ უნდა შეგეშალოს-მეთქი და მაშინვე მეშლებოდა (იცინის). მერე მივხვდი, რომ ასე გაგრძელება აღარ შეიძლებოდა და ვეცადე, დათოსთვის აღარ მიმექცია ყურადღება. თვითონაც მოეშვა და ასე უფრო გამოვიდა..."