ქეთათო ჩარკვიანი გადაცემას „შენი დილა" სტუმრობდა, სადაც კნუტის შესახებ ისაუბრა, რომელიც წლების წინ, ირაკლისთან თანაცხოვრების დროს სახლში მიიყვანა და 22 წლის განმავლობაში იცოცხლა.

„მინდა მოგიყვეთ ჩემი კატის ისტორია. წლების წინ, ჯერ კიდევ ვმუშაობდი ოპერისა და ბალეტის თეატრში, ჩემმა თანამშრომელმა მოიყვანა კნუტი, რომელიც იყო ოჯახური ძალადობის მსხვერპლი. სახლში ჩხუბობდნენ და ეს კატა თურმე შეშინებული იმალებოდა.

ზამთარი იყო, რადგან ყველაფრის ეშინოდა. 22 წელი იცოცხლა ამ კატამ და ყოველღამე ეძინა ჩემს თავზე.

ერთ დღეს დამესიზმრა გარდაცვლილი მეგობარი და მითხრა „მიმყავს შენი შიში". ვერ დავაკავშირე ვერაფერთან და ზუსტად იმ დღეს მთელი დღე ცუდად იყო და წავიდა ამ ქვეყნიდან...", - ამბობს ქეთათო ჩარკვიანი.