საიდუმლო არ არის, რომ ალუბლისფერი წითელი, იგივე Cherry Red, რომელსაც ღვინისფერსაც უწოდებენ, ამ სეზონის აბსოლუტური ტრენდია. მიუხედავად იმისა, რომ წითელს ყოველთვის პატივს სცემდნენ, როგორც კლასიკურ ტონს ნებისმიერი სამოსისთვის, ასეთი პოპულარული ის აქამდე თითქმის არასდროს ყოფილა. ბოლოს, როცა ალუბლისფერი წითელი განსაკუთრებით მოთხოვნადი გახდა, იყო სვინგის კაბების ეპოქა. 50-იანი წლების მოდას რომ გადავხედოთ, წითელი სვინგის კაბა განასახიერებდა სრულიად ამერიკელი გოგონას იდეას: უდანაშაულობის, ახალგაზრდობის, ქალურობისა და დახვეწილი სექსუალურობის სიმბოლოს. დროისა და მოდის ტენდენციების ცვლასთან ერთად კი წითელი, ელეგანტურობასთან ერთად, აჯანყებისა და თავისუფლების სიმბოლოდ ჩამოყალიბდა.

ალუბლისფერი წითელი - თანამედროვე ტრენდი აერთიანებს მოდის წითელი ფერის ხანგრძლივ ისტორიას და მის ახალ იდენტობას კულტურაში.

ალუბლისფერი წითელი ამ შემოდგომის მთავარი ფერია და ის პოპულარობას არც 2024 წელს დაკარგავს, რაზეც წამყვანი მოდის სახლების 2024 წლის კოლექციები მიგვანიშნებს. ისინი სულ უფრო ხშირად და აქტიურად იყენებენ ამ ტონს როგორც სამოსის, ისე აქსესუარების შექმნის დროს. განსაკუთრებით თვალშისაცემია Prada, Ferragamo და Versace, რომლებიც ალუბლისფერ წითელს, როგორც ჩანს, გამორჩეულად სცემენ პატივს.

ალუბლისფერ წითელთან, ანუ ღვინისფერთან ერთად, მომდევნო სეზონის ტრენდული ფერები პასტელური იასამნისფერი, სამეფო ლურჯი და სალათისფერი მწვანეც იქნება.

წყარო: marao.ge