გადაცემა „ნიკოლოზის კითხვების" მორიგი სტუმარი რეჟისორი დათო დოიაშვილი იყო. გადაცემაში რეჟისორმა შვილებთან ურთიერთობაზე ისაუბრა.

„ანა დოიმ აირჩია სამსახიობო - მუსიკალური კარიერა. დღემდე წინააღმდეგი ვარ, რომ სცენაზე იდგეს. მიუხედავად ჩემი წინააღმდეგობის, მას არასდროს შეუცვლია არჩევანი. მთელი ჩემი შეგნებული ცხოვრება, მისთვის ამ ყველაფრის არიდება მინდოდა. როდესაც საბავშვო სპექტაკლებს ვდგამდი, არასდროს ვაძლევდი მონაწილეობის შანსს, თურმე ძალიან უნდოდა და ძალიან სწყინდა.

15 წლის რომ გახდა, დამიმალა, ჩაწერა რაღაცები და ბერკლიში გააგზავნა. ჩემთან მაშინ მოვიდა, როცა დასტური მოუვიდა და 75 პროცენტიანი დაფინანსება მიიღო. რეალურად ფაქტის წინაშე აღმოვჩნდი. ძალიან ძნელია 15-16 წლის ბავშვის ასე შორს გაგზავნა, მაგრამ თვითონ ისე ძალიან უნდოდა, რომ წავიდა.

პატარა შვილთან, რომელიც ჯერ მხოლოდ შვიდი წლისაა, პირიქით ვიქცევით. ყველა სპექტაკლში შევიყვანეთ, მაგრამ მას არ უნდა მსახიობობა. დარო ძალიან საყვარელია, აუ, კიდე სპექტაკლია? ძალიან დავიღალე, წუწუნებს ხოლმე. მინდა რომ მოიყირჭოს ყველაფერი და მერე ეს გზა არ აირჩიოს". - ამბობს დათო დოიაშვილი.