2024 წლის თებერვალი შესაძლოა, ზოდიაქოს ზოგიერთი ნიშნისთვის სხვადასხვა სირთულითა და გამოწვევით გამოირჩეოდეს. თუმცა, ასტროლოგებს თქვენთვის კონკრეტული რეკომენდაციებიც აქვთ, რომელთა გათვალისწინების შემთხვევაშიც, ამ პერიოდს უმტკივნეულოდ და მშვიდად გაივლით:
კირჩხიბი
2024 წლის თებერვალში, შესაძლოა, საყვარელ ადამიანთან ურთიერთობაში პრობლემები გაჩნდეს და წარმოქმნილი კონფლიქტი, თუ გაუგებრობა თქვენთვის ემოციურად განსაკუთრებით რთული აღმოჩნდეს. თებერვალში კომუნიკაცია, შედარებით, გართულებულია და შესაძლოა, მცირე კამათიც კი დიდ დაპირისპირებაში გადაიზარდოს. პირველ რიგში, მთავარი რეკომენდაციაა, რომ ამ თვეში რადიკალური გადაწყვეტილებები არ მიიღოთ და როცა დამშვიდდებით და მოვლენების ობიექტურად შეფასებას შეძლებთ, მხოლოდ მაშინ გადაწყვიტოთ კონკრეტული რამ. იქნება ეს დაშორება, ურთიერთობის სხვა ეტაპზე გადაყვანა, თუ სხვა. დარჩით საკუთარ თავთან მარტო, შეეცადეთ, საყვარელი საქმიანობით დაკავდეთ და მშვიდად იყოთ. ამავდროულად, პარტნიორთან გულწრფელად ისაუბრეთ ყველა იმ პრობლემაზე, რაც გაწუხებთ. წინააღმდეგ შემთხვევაში, დაგროვილი უარყოფითი ემოციები ერთდროულად გამოჩნდება და თქვენს ურთიერთობას სერიოზული გამოწვევის წინაშე დააყენებს.
სასწორი
წლის თებერვალში შესაძლოა, ენერგიისა და მოტივაციის დაქვეითება იგრძნოთ და არასასიამოვნო შედეგები მიიღოთ. მაგალითად, სამსახურში, სასწავლებელში, პირად ურთიერთობებში ამოცანებისა და მიზნების შესრულება გაგიჭირდეთ. ისეთი რაღაცები გადადოთ შემდგომი დღეებისათვის, რაც კონკრეტულად იმ დღეს უნდა გაგეკეთებინათ. ამის გამო, დიდი შანსია, რომ სხვა ადამიანების მხრიდან უკმაყოფილებაც მიიღოთ და ნეგატიური განწყობა შეგექმნათ. ამიტომ, პირველ რიგში, გადახედეთ თქვენს გეგმებს - გადაუდებელ და აუცილებელ საქმეებს ნუ უგულებელყოფთ და შეეცადეთ, აუცილებლად შეასრულოთ. გარდა ამისა, იმისათვის, რომ დამშვიდდეთ და ემოციური ფონი დაასტაბილუროთ, რაც შეიძლება მეტი დრო საყვარელ საქმიანობას, ჰობის, თქვენთვის ძვირფას ადამიანებთან კომუნიკაციას, ვარჯიშსა და ფიზიკურ აქტივობას დაუთმეთ. ამ გზით, კვლავ იპოვით შთაგონებას და საქმეების შესრულებას შემართებით განაგრძობთ.
მშვილდოსანი
როგორც ასტროლოგები ამბობენ, 2024 წლის თებერვალი მშვილდოსნის ნიშნის წარმომადგენლებისათვის ახალი შესაძლებლობებისა და ცვლილებების თვე იქნება. თუმცა, გარკვეული ცვლილებები, იმის გააზრება, რომ ზოგიერთ ძველ, წარსულში დატოვებულ საქმესა და ურთიერთობას საბოლოოდ უნდა დაემშვიდობოთ, შესაძლოა, თქვენთვის ემოციური არასტაბილურობის წინაპირობა გახდეს. ნუ ინერვიულებთ, თქვენი ენერგია და ბუნებრივი ოპტიმიზმი რთულ დღეებში განსაკუთრებით გამოგადგებათ და მოტივაციას კვლავ იპოვით. მიხვდებით, რომ ახლა ცვლილებების დროა. შესაძლოა, თვის განმავლობაში გაუთვალისწინებელი ხარჯებიც შეგხვდეთ, ამიტომაც ჯობს, თუ გარკვეულ დანაზოგს გააკეთებთ და საჭიროებისამებრ, გამოიყენებთ.
ქალწული
ისევე, როგორც მშვილდოსნისთვის, ქალწულის ნიშნის წარმომადგენლებისთვისაც დიდი ცვლილებებისა და სიახლეების თვე მოდის, რასაც შესაძლოა, თან შფოთვა, ახლის მიღების შიში, სტრესი დაერთოს. გარდა ამისა, შეიძლება, თქვენ ირგვლივ აღმოჩნდნენ ადამიანები, რომელთა რეკომენდაციამაც დაგაზიანოთ და არასაჭირო პროექტებსა, თუ ინიციატივებში ჩაგრთოთ. ნუ ინერვიულებთ - ცვლილებები და ახალი შესაძლებლობები ძალიან მნიშვნელოვანია. ენდეთ საკუთარ თავსა და გამოცდილებას. ბრმად ნუ დასთანხმდებით იმ ადამიანებს, რომლებიც ახლახან გაიცანით - ნებისმიერი ინიციატივა კარგად შეაფასეთ და მხოლოდ ამის შემდეგ მიიღეთ გადაწყვეტილება.