2024 წლის დასაწყისი ზოდიაქოს 3 ნიშნისთვის სასიყვარულო ურთიერთობებისა და პირადი ცხოვრების თვალსაზრისით, ნამდვილად გამორჩეული იქნება. წინ არაერთი სასიამოვნო სიახლე და თავგადასავალი გელით:

ვერძი

ვერძის ნიშნის წარმომადგენლებისათვის 2024 წლის იანვარი იქნება პერიოდი, როცა შეძლებენ გამოასწორონ, ან კიდევ თავიდან დაიწყონ ყველაფერი, რაც 2023 წლის განმავლობაში მათ გულებს აწუხებდა და ნეგატიურ განწყობას უქმნიდა. არ არის გამორიცხული, ყოფილ პარტნიორს, შეყვარებულს კვლავ დაუკავშირდეთ და ილაპარაკოთ იმაზე, რაც წინა წელს ვერ გაარკვიეთ და განსხვავებულად აღიქვით. შესაძლოა, თქვენი სიამაყე პირველი ნაბიჯის გადადგმის უფლებას არ გაძლევთ, მაგრამ თუ არ გსურთ, რომ საყვარელი ადამიანი დაკარგოთ, მასთან დალაპარაკების შანსს ხელიდან ნუ გაუშვებთ. გულწრფელი აღიარება ყინულს ნამდვილად გაადნობს და თავს ბედნიერად იგრძნობთ.

ტყუპები

2024 წლის იანვარი მნიშვნელოვანი არჩევანის წინაშე დაგაყენებთ - ან უნდა დაუბრუნდეთ ძველ ურთიერთობას, ან კიდევ ახალი სცადოთ. აღნიშნული თვის განმავლობაში ყოფილი პარტნიორი, შეყვარებული, დიდი ალბათობით, კვლავ შეგახსენებთ თავს, დალაპარაკებას, გარკვეული საკითხების განხილვას გთხოვთ. პარალელურად კი, შესაძლოა, ახალი ადამიანი გაიცნოთ, ან ის გააქტიურდეს, ვინც უკვე თქვენთან ახლოსაა. არჩევანი მთლიანად თქვენზე იქნება - მისცემთ ძველ ურთიერთობას აღდგენის ერთ შანსს, თუ საბოლოოდ დაუტოვებთ წარსულს.

სასწორი

2024 წლის იანვარში შესაძლოა, არსებული ურთიერთობისგანაც და ზოგადადაც, დასვენება და რაღაცების გადაფასება, კარგად დაფიქრება მოგინდეთ. ამაში, რა თქმა უნდა, ცუდი არაფერია. საკუთარ თავს გრძნობებსა და ემოციებში გარკვევის შესაძლებლობა უნდა მისცეთ. მაგრამ, ასტროლოგები გირჩევენ, რომ წარსულში დატოვებულ ურთიერთობას აღარ დაუბრუნდეთ. ახლა გჭირდებათ ადამიანი, რომელთან ერთადაც ყველაფერს ნულიდან დაიწყებთ და სასიამოვნო თავგადასავალს შექმნით. იანვარში კი ყველა შანსი გაქვთ, რომ სწორედ ასეთ ადამიანს შეხვდეთ.