5-12 წლამდე ბავშვებისთვის განკუთვნილი Pfizer-ის მიერ წარმოებული Covid-ვაქცინა დაახლოებით, მეორე კვარტალში საქართველოსთვის ხელმისაწვდომი გახდება. ამის შესახებ ჯანდაცვის მინისტრის მოადგილემ დღეს ჟურნალისტების კითხვის საპასუხოდ განაცხადა.

„5-12 წლამდე ასაკობრივ ჯგუფისთვის Pfizer-ის ვაქცინის მოწოდებაზე მუშაობა მიდის და ვფიქრობთ, მიმდინარე წლის მეორე კვარტლიდან ეს ვაქცინა ქვეყანაში ხელმისაწვდომი იქნება“, – განაცხადა თამარ გაბუნიამ.

გარდა ამისა, ჯანდაცვის მინისტრის მოადგილის ინფორმაციით, მუშაობა მიმდინარეობს „ფაიზერის“ წარმოების კორონავირუსის სამკურნალო მედიკამენტის შემოტანაზე.

„კოვიდის სამკურნალოდ ამ პირობებში დღეს ყველაზე დიდი აქცენტი კეთდება “პაქსლოვიდზე”, რომელიც არის “ფაიზერის” წარმოებული მედიკამენტი, ჩვენ ვაწარმოებთ ამ მიმართულებით მუშაობას.