ბულგარეთმა ყველა შეზღუდვა მოხსნა. ბულგარეთში საქართველოს საელჩოს ინფორმაციით, ბულგარეთის რესპუბლიკის ჯანდაცვის მინისტრის 2022 წლის 30 აპრილის ბრძანების თანახმად, 2022 წლის 1 მაისიდან, ბულგარეთის რესპუბლიკაში შემოსასვლელად კოვიდ-19 დაკავშირებით არსებული ყველა შეზღუდვა მოიხსნა.
„საქართველოს მოქალაქეებს, ბულგარეთის რესპუბლიკის ტერიტორიაზე შემოსასვლელად, არ მოეთხოვებათ კოვიდ-19-თან დაკავშირებული არანაირი საბუთის (ვაქცინაციის სერტიფიკატი, პსრ ტესტი თუ სხვა) წარმოდგენა", - ნათქვამია ბულგარეთში საქართველოს საელჩოს მიერ გავრცელებულ განცხადებაში.