მედიაში გავრცელებული ინფორმაციის თანახმად, რუსეთში მოღვაწე ქართველი მომღერალი ვალერი მელაძე კრემლის მიერ შედგენილ „შავ სიაში“ შეიყვანეს, რაც იმას ნიშნავს, რომ ის რუსეთში სცენაზე გამოსვლას ვეღარ შეძლებს.
მელაძე ერთ-ერთი პირველი იყო რუსეთში მოღვაწე ვარსკვლავებს შორის, რომელმაც ვიდეომიმართვა გამოაქვეყნა ომის დასრულების მოთხოვნით.
დიდი ხნის პაუზის შემდეგ კი მომღერალი სოციალურ ქსელში გამოჩნდა და საზოგადოებას 9 მაისი მიულოცა.
„გილოცავთ დიდი გამარჯვების დღეს! მარადიული ხსოვნა იმ ერების შვილებს, რომლებიც გვერდიგვერდ იბრძოდნენ მშვიდობიანი მომავლისთვის“, - წერს ვალერი მელაძე.