იტალიელი ალესანდრო კარუზოზე ბოლო ერთი თვეა "ტიკტოკზე" გამოქვეყნებული ვიდეოებით ქართველების გულები დაიპყრო. იტალიელი მამაკაცი ქართულ ფანოღური სიმღერების იმიტაციას აკეთებს და თან გატაცებით ცეკვავს.
ალესანდრო იტალიის ქალაქ ნაპოლიში ცხოვრობს, სადაც ტანსაცმლის მაღაზია აქვს და მისი ვიდეოების დიდი ნაწილი სწორედ იქ არის გადაღებული. გარუჯულ იტალიელ მაჩოს "ტიკტოკზე" ნახევარ მილიონამდე გამომწერი ჰყავს, მათ შორის ბევრია ქართველი.
ის ამბობს, რომ მისი შემდეგი გაჩერება იქნება საქართველო.
"ძალიან მიყვარს მუსიკა და მსოფლიო ხალხთა სიმღერები. ვცეკვავ, აბსოლუტურად, ყველა სიმღერასა და მელოდიაზე. მაგრამ ქართული სიმღერა ჩემთვის განსაკუთრებულად მომაჯადოვებელია ისევე, როგორც ქართველი ხალხი. არასოდეს ვყოფილვარ საქართველოში, სიამოვნებით ჩამოვიდოდი.
მუსიკა ჩემი გატაცებაა. საერთოდ, ყველაფერს დიდი გატაცებით ვაკეთებ. ძალიან მომწონს სხვადასხვა კულტურის გაცნობა, ყოველთვის ძიებაში ვარ. ნაპოლიში ბევრი ქართველი ცხოვრობს, მაგრამ, სამწუხაროდ, პირადად ძალიან ცოტას ვიცნობ... "ტიკტოკი" ჩემი ერთ-ერთი ყველაზე დიდი გატაცებაა, ეს ყველაფერი მარტივად დავიწყე... ვარ ძალიან ბუნებრივი, როგორც ამ ვიდეოებში მხედავთ, ზუსტად ასეთი ვარ მე ცხოვრებაშიც. ნელ-ნელა მივხვდი, რომ ძალიან ბევრ ადამიანს ვაინტერესებდი. ძალიან მიხარია, რომ თქვენც დაინტერესდით ჩემი შემოქმედებით. ბედნიერი ვარ, რომ ჩემს ფოტოებს და "ტიკტოკის" ვიდეოებს გამოაქვეყნებთ. დიდი იმედი მაქვს, რომ ჩემი შემდეგი გაჩერება იქნება საქართველო. გკოცნით, გეხვევით ყველას. სიხარულით ჩამოვალ საქართველოში, მით უფრო იმის გათვალისწინებით, რომ უკვე ვხვდები, რომ ძალიან ბევრ ქართველს ვუყვარვარ." - ამბობს იტალიელი მამაკაცი „ambebi.ge"-სთან საუბრისას.
წყარო: ambebi.ge