ყოფილი ტელეწამყვანი და ჯგუფ „ვეძების“ დამფუძნებელი თამუნა მუსერიძე სოციალურ ქსელში პოსტს აქვეყნებს და წერს, რომ ბიოლოგიური ბაბუა იპოვა.

„ჩემი ცხოვრება დაუსრულებელი სერიალი რომ არის, ეს უკვე ყველამ იცით, მაგრამ ყველა სერიალს აქვს ბოლო სერია და დარწმუნებული ვარ, რომ ძალიან მალე გავალთ ბოლოში, თუმცა როგორც ვხედავ იქამდე საკმაოდ დიდი გზა მაქვს გასავლელი. 6 თვიანი ძიების და გენეტიკური კვლევების შედეგად საბოლოოდ მივაგენი ბიოლოგიურ ბაბუას. დღეს მამიდაჩემის ( ან დეიდაჩემის) ტესტის დადებითი პასუხი მოვიდა. მაგრამ ზუსტად ამ პასუხმა დაგვაბრუნა ისევ დასაწყისში. გამომდინარე იქიდან, რომ ჩემ ყველა ნათესავს ეს ტესტი გაკეთებული აქვს, გამოსაკვლევი აღარავინ დარჩა. ანუ ! ბაბუაჩემს სადღაც კიდევ ერთი შვილი ჰყავს (ჩემი მშობელი) რომელზედაც ინფორმაცია ნათესავებს არ აქვთ. ბაბუაჩემი - გენადი ნანავა 1918 წელს ზუგდიდში დაიბადა. სხვადასხვა წლებში იყო გაგრის სანატორიუმის დირექტორი და რუსთავის სპეცმშენის კადრების უფროსი. სამწუხაროდ საკმაოდ ახალგაზრდა, 33 წლის ასაკში 1952 წელს ზუგდიდის ციხეში ტრაგიკულად გარდაიცვალა. თუ ვინმეს გეცნობათ ეს სახელი და გვარი, თუ იცით რომ თქვენი ბაბუა , ან მამა იყო გენადი ნანავა, თუ ჭორის დონეზე გაქვთ რამე ისტორიისთვის ყური მოკრული, გთხოვთ შემეხმიანეთ აგრეთვე მთელი გულით გთხოვთ? ეს პოსტი გააზიარეთ, იქნებ ეს ისტორია ვინმეს ყურამდე მივიტანოთ“, - წერს თამუნა მუსერიძე.