დიზაინერი მაკა კვიციანი ფართო საზოგადოებამ კულინარიული შოუ „მასტერშეფიდან" და პროექტ „ნიჭიერიდან" გაიცნო, სადაც მან ჟიურის ამპლუა მოირგო. მაკა სოციალურ ქსელში, განსაკუთრებით კი, „ინსტაგრამზე", აქტიურია და ხშირად აქვეყნებს როგორც პირად, ისე ოჯახურ ფოტოებს. ის ბრენდ „დალოდის" შემოქმედებითი ხელმძღვანელია.
ამჯერად მაკა კვიციანი ახალ ფოტოებს ახალი ვარცხნილობით გვიზიარებს. დიზაინერის სტილმა მისი მეგობრებისა და გულშემატკივრების მხრიდან დიდი მოწონება დაიმსახურა: „მუდამ ახალგაზრდა", „უმშვენიერესი ლედი", „საოცრად გამოიყურები" - წერენ მაკა კვიციანის ფოტოებზე.
