პირად ცხოვრებაში ცოტა სხვანაირად განვითარდა მოვლენები. სამჯერ შექმენით ოჯახი, სამივე მეუღლისგან შვილი გყავთ. ამ მხრივ, როგორ წარმოგედგინათ ცხოვრება?
„რომელ ადამიანს უნდა, რამდენჯერმე შექმნას ოჯახი?! ყველა ქალი ფიქრობს, გათხოვდეს, ერთი და სრულყოფილი ოჯახი ჰქონდეს, მაგრამ რა ვქნა, ასე არ მოხდა. რაც მთავარია, ბედნიერი ვარ, რომ ასეთი შვილები მყავს. ჩემი ბედნიერება ჩემი შვილებია, ჩემი საქმე, ჩემი მშობლები, დები, მეუღლე. ეს მინდოდა და მაქვს. ეს არის ბედნიერება, როდესაც გვერდით გყავს კარგი, ყველაზე ღირსეული, ჭკვიანი, დიდი ადამიანია, ნამდვილი მეგობარი, ნამდვილი მეორე ნახევარი, ის, ვინ ც გიყვარს და ძვირფასია შენთვის, აკეთებ იმ საქმეს, რაც შენც განიჭებს სიამოვნებას და სხვა ადამიანებსაც“, - მაია ჯაბუა ჟურნალ „თბილისელების“ მიერ დასმულ შეკითხვას პასუხობს თავისი სამი ქორწინების შესახებ.