22 ივლისს 11 წელი შესრულდება ტრაგედიიდან, როცა გელა დაიურს მთელი ოჯახი დაეღუპა _ მომღერალი და პოეტი თეონა ქუმსიაშვილი და ორი ვაჟი – დემეტრე და ჯარჯი.
გელა დაიაურმა გადაცემა ,,ყვითელ ყუთში” ისაუბრა, რომ ის შეყვარებულია. მან ასევე გაიხსენა ის ტრაგედია, რომელიც მის ჯახს მაშინ შეემთხვა, როცა ის 22-23 წლის ბიჭი იყო _ მისი და შემთხვევითმა ტყვიამ იმსხვერპლა.
-ის სრულყოფილი ბედნიერება ალბათ აღარასდროს იქნება… თუმცა ცხოვრება გრძელდება. ამ ტრაგედიის მატარებელ ადამიანს რომ დაუდგები გვერდით, ესე იგი ძლიერი უნდა იყო. სიმარტოვემ დამღალა. არასდროს მიძებნია ვინმე, ვერც ვერავინ შეცვლის თეოს, მაგრამ დამღალა მარტო ყოფნამ. არ მინდა, რომ მარტომ ვიცხოვრო… დავიღალე…
22-23 წლის ვიქნებოდი. სახლში სუფრა იყო და მამაჩემის ბიძაშვილი იყო სტუმრად. ერთად გაზრდილები იყვნენ და უხაროდათ ერთმანეთთან შეხვედრა. მე სახლში არ ვიყავი, მთაში ვიყავი ასული და ამ დროს მომხდარა ამბავი. ბებერი ძაღლი გვყავდა და იმის მოკვლა გადაუწყვეტია ამ კაცს და ძაღლს აცდა და ჩემს დას მოხვდა. ბრმა ტყვია მოხვდა მას და ადგილზე გარდაიცვალა 9 წლის ბავშვი, თაია.
მახსოვს დედას გაფითრებული სახე. ძალიან მძიმედ მახსენდება ეს პერიოდი. ეს ადამიანი, რომელმაც უნებლიედ და მომიკლა, გელა დაიაურია. სამი წლის შემდეგ ეს ადამიანი დაბრმავდა და თვითმკვლელობით დაამთავრა სიცოცხლე.